حلالك يابعد عمري

	حلالك يابعد عمري حلالك دموعي مع سهر عيني فدا لك فتحتي قلبك الوافي وقلتي تفضل كل ما عندي حلالك دخلت وصرت أشم الورد وأشرب قراح وأتمعن في جمــالك أحط إيدي على شعرك وأطالع عيونك وأذكر اللي حطها لك إذا صرتي معي أنسى حياتي وأقول إني لكل الكون مالك سواليفك تشيل الهم عني وتطربني ولو هي من خيالك وفوق الزين والروح الطريفه عقل وأخلاق وتعجبني خصالك تعلمت الكلام الزين منك هلا عيوني وتامرني وانا لك وقلبي صار إذا أطريت اسمك ذكر حبك ومن قلبه دعالك فديتك يابعد عمري بعمري وقلبي لوتبينه قلت جالك عشقتك عشق ما قد صار مثله عذاب ولذه وشوق المها لك ولكن مايدوم إلا تعالى وغيره لو يعيش سنين هالك وانا راضي بمقسوم الليالي وأعرف إن الزمن مهما صفالك يجي بعده زمن الضيق والهم كتيب أسود سواد الليل حالك وينهي حلمنا ونصير بعده أنا لحالي هنا وانتي بحالك وتبقى ذكريات نعيش فيها من أوراق وصور واللي في بالك وكل اللي أبيه اليوم منك عهد يبقى الوصل مهما جرى لك وانا أعاهدك حبك ما أخونه ولو طال الزمن ما نسى وصالك

والله رووووووووعة
وتسلم يدك

إذا صرتي معي أنسى حياتي
وأقول إني لكل الكون مالك
سواليفك تشيل الهم عني
وتطربني ولو هي من خيالك
وفوق الزين والروح الطريفه
عقل وأخلاق وتعجبني خصالك
تعلمت الكلام الزين منك